Fituesja e “Big Brother 4”, Ermela Mezuraj do të jetë e ftuara e radhës në emisionin “Doktor plastik”. Edhe këtë herë ish-banorja do të thyejë tabu, pasi për herë të parë një personazh i njohur tregon hapat e një ndërhyrjeje për një operacion plastik
Në sezonin e parë të “Doktor Plastik” kemi parë se rastet që kanë ardhur për të bërë ndërhyrjen për zmadhimin e gjoksit kanë qenë personazhe që vinin nga Italia.
“Në ‘Doktor Plastik’ jam për të bërë një zmadhim të gjoksit, me dëshirën time më të madhe dhe me vullnet të plotë. Kam dëshiruar gjithmonë që ta kisha më të madh, por mami më thoshte se nëse haja dhe shëndoshesha do të më rritej vetë gjoksi”,- shprehet Ermela në promon e emisionit.
Ish-banorja është përfolur shpesh në media për ndërhyrje estetike në fytyrë, por deri tani nuk i ka pranuar.
Ermela është shprehur se ndryshimet kanë ardhur me kohën dhe nuk i ka ardhur akoma mosha për të bërë ndërhyrje.
