Fituesi i “Eurovision 2019”, Duncan Laurence, nuk do të performojë në natën finale për këtë vit, që do të mbahet në datë 22 maj. Këngëtari i njohur që ka përfaqësuar Holandën me këngën “Arcade” ka testuar pozitiv me Covid-19.
Laurence do të performonte sërish në skenën e “Eurovision” në natën finale në Roterdam, duke qenë se tradita e do që fituesi i vitit të shkuar, t’i urojë fitore pasardhësit. Thuhet se këngëtari ka simptoma të lehta të Covid-19 dhe do të performojë në një formë tjetër.
“Jemi të zhgënjyer, së pari për Duncan, që meriton një performancë live në skenën tonë të Eurovision pas fitores së tij në 2019 dhe për suksesin ndërkombëtar të ‘Arcade’. Nuk mund të ishim më krenar për hapjen në gjysmëfinalen e parë. Sigurisht i urojmë Duncan shërim të shpejtë”, u shpreh producenti ekzekutiv, Sieste Bakker.
Ndërsa Duncan vendosi t’ju përgjigjej lajmeve duke publikuar vetëm emojin e një zemre të thyer në Twitter.
https://twitter.com/dunclaurence/status/1395364541878439939?ref_src=twsrc%5Etfw%7Ctwcamp%5Etweetembed%7Ctwterm%5E1395364541878439939%7Ctwgr%5E%7Ctwcon%5Es1_&ref_url=https%3A%2F%2Fwww.nme.com%2Fnews%2Fmusic%2Freigning-eurovision-champion-duncan-laurence-pulls-out-of-final-performance-after-testing-positive-for-covid-19-2945009
Ndërkohë kujtojmë se mbrëmjen e sotme do të mbahet gjysmëfinalja e dytë, në të cilën pritettë performojë edhe Anxhela Peristeri. Këngëtarja shqiptare do të këndojë e 11-ta në radhë dhe ajo përfaqëson këtë vit vendin tonë me këngën “Karma”. Në provat gjenerale, Anxhela tregoi se arrin ta përballojë shumë mirë skenën e amdhe të Eurovision dhe ne i urojmë fat mbrëmjne sotme!
