Jamie Dornan bën miliona anembanë botës me fytyrën e tij të bukur, por personalisht nuk e pëlqen aspak.
Aktori irlandez zbuloi këtë fundjavë në “Jonathan Ross Show” se ai ndihet i tmerruar kur sheh rolin e tij si Christian Grey, sepse nuk e duron dot fytyrën e tij të pastër dhe të rruar, pa mjekrën seksi.
“E urrej fytyrën time pa mjekër, betohem në Zot unë me të vërtetë e urrej atë”, pranoi një prej seks-simbolve më të njohur të Hollivudit.
Dornan përsëriti gjithashtu se nuk ka asnjë ide nëse ai do të jetë plotësisht lakuriq në “Fifty Shades Darker”, që pritet të dalë për Shën Valentin.
“Unë nuk e kam parë atë kështu që nuk e di..Nuk e di se ku ishin kamerat dhe nuk e vrisja mendjen për këtë, por kishte raste kur isha i zhveshur. Në të vërtetë nuk jam një djalë nudist, por nuk e vras mendjen”.
Sado e pabesueshme që duket, as bashkëshortja e tij, Amelia, nuk e ka parë filmin. Siç ai thotë, ajo nuk pëlqen ta shikojë atë teksa është në krahët e një femre tjetër.
