Pasditen e djeshme të ftuar në emisionin “Rudina” ishin gazetarët e njohur Olti Curri, Iva Tiço dhe Enxhi Lula për të folur për temat më të nxehta të showbiz-it.
Siç bën me pothuajse të gjithë të ftuarit, moderatorja e emisionit, Rudina Magjistari publikoi disa foto në llogarinë e saj në Instagram, ku shfaqej ajo së bashku me Oltin, Ivën dhe Enxhin.
Mirëpo, një koment që ka tërhequr vëmendje ka qenë ai i një ndjekësje e cila ndër të tjera i cilësonte të ftuarit, tre shtëpiakë të dështuar: “Këta të tre fitojnë lekë duke i marrë të tjerët nëpër gojë, ndërsa vetë nuk janë të aftë të bëjnë asgjë. Me një fjalë janë tre shtëpiakë të dështuar.”
Ndërkohë, i menjëhershëm ka qenë reagimi i Olti Currit, i cili i është përgjigjur me ironi: “Po ça të bëj më shumë! Hahahaha, 18 vjet radio, gazetar në gazetë, revistë, tre herë fitues Top Fest, Kënga Magjike me tekste këngësh…a të vij të hekuros ndonjë ditë kur të lash çerçafët?”
Përgjigje mjaft epike kjo, apo jo?
