Pas tre vitesh mungesë në skenën shqiptare, Flori Mumajesi triumfoi në festivalin “Kënga Magjike”.
Me këngën “Plas”, e cila u prezantua vetëm një javë para finales së festivalit, arriti që të fitonte zemrat e të gjithë publikut. Kjo gjë u dëshmua që në natën e dytë të gjysmëfinales, kur salla u ngrit në këmbë për të kënduar me të dhe për ta duartrokitur.
Në intervistën pas marrjes së çmimit, Flori u shpreh se ia dedikon trofeun të gjithë publikut:
“Pas këtij trofeu janë këta, që ta mbushin shpirtin. Janë këta që edhe pa trofe, pa e ditur nëse e merr apo jo çmimin, kujdesen që të japin kurajë, të motivojnë, të frymëzojnë dhe të japin dashuri, që është më e rëndësishmja në botë. Kemi nevojë për dashuri”.
Pasi kujtoi pjesëmarrjen e tij në këtë festival tre vite më parë, Flori Mumajesi i cilësoi votimet e këtij viti të sinqerta.
“Para tre vitesh nuk isha ne treshe. Duke marrë parasysh eksperiencën time ndodh ndonjëherë që nuk votohet sinqerisht. Këtë herë për fat të mirë ndodhi e kundërta”, u shpreh Flori për mediat.
Burimi: Iconstyle.al
*Ndalohet kopjimi dhe ribotimi pa lejen e redaksisë
