U mbajt mbrëmë në sallën kryesore të “Pallatit të Kongreseve” recitali i Elsa Lilës.
Me një kapacitet prej mbi 2 mijë vendesh, me të gjitha biletat e shitura, publiku shqiptar i tregoi këngëtares se nuk e kishte harruar. Ky recital i Elsës u mbështet edhe nga kolegët e saj ku një ndër ta ishte Eneda Tarifa e cila e cilësoi “këngëtare prej vërteti”.
View this post on Instagram
Hitet e Elsës ndër vite rrëqethën publikun dhe ngjitën në skenë Pirro Çakon me baladën e famshme “Diferenca je ti”. Këngëtarja është shprehur se e ndjente si detyrë këtë recital për publikun shqiptar, për të gjithë dashurinë dhe mbështetjen që ata i kanë treguar me vite edhe kur Elsa nuk ka qenë aktive në muzikë.
“Finalmente Elsa” dhe më në fund një recital nga ata që kontribuojnë në historinë e muzikës shqiptare. Kujtojmë që këngëtarja vlonjate do të jetë konkurrente në “Festivalin e RTSH-SË”, me këngën “Mars”.
Vitin e kaluar ajo u shpall fituese e festivalit të 62-të, por publiku vendosi që Shqipërinë në Eurovizion ta përfaqësonte Albina dhe familja Kelmendi.
View this post on Instagram
