Edicioni i 65-të i “Miss World”, i cili nisi më 21 nëntor, ditën kur mbërritën edhe garueset në Sanya, në Kinë, kulmon me natën finale të kësaj të shtune, më 19 dhjetor, në Teatrin “Beauty Crown”.
Pas një prezantimi të suksesshëm në çift në vitin 2014, Tim Vincent dhe Megan Rinj do bëjnë sërish prezantimin e spektaklit të bukurisë, përkrahë Angela Chow, e cila kthehet në “Miss World” për herë të parë që nga viti 2011.
Natën e kaluar, garuesit e “Miss World” kaluan një nga fazat e “Top Model Challenge”. Ato u gjykuan për nga ecja e tyre në pistë dhe adaptimi para kamerës me veshjet e stilistëve botërorë.
Shqipëria është mes 101 vendeve që marrin pjesë në këtë kompeticion, e cila përfaqësohet nga bukuroshja Kristina Bakiu. Më herët ajo është kurorëzuar si “Miss Univers 2013”, por ambiciet e saj nuk shteruan asnjëherë.
Në numrin e fundit të “ICON” këtë muaj, Kristina në intervistën ekskluzive u shpreh për eksperiencën e saj gjatë qëndrimit në Kinë. E pyetur lidhur me konkurrentet, Kristina pohoi: “Nuk jam e sigurt nëse këtë vit kanë zgjedhur më të bukurat e shtetit apo jo, pasi përveç 5-7 vajzave, të tjerat janë më normale se normalet”. Atëherë shpresojmë që Kristina të kthehet në atdhe me ndonjë çmim.
