Për të gjithë ju adhuruesit “Grease”, filmi ikonë do të ketë një seri të dytë, një prequel që do të rrëfejë ngjarjet para.
Filmi që do të titullohet “Grease: Summer Loving”, pritet të tregojë sesi u takuan personazhet kryesore Sandy dhe Danny, duke përfshirë historinë e treguar në këngën e famshme “Summer Nights” nga filmi i vitit 1978.
“Radio 1 Newsbeat” ka konfirmuar se skenaret janë duke u shkruar nga John August.
Ai gjithashtu ka shkruar skenarin e filmit të ardhshëm të Aladdin-it i cili do të publikohet muajin e ardhshëm.
Kolona zanore e filmit “Grease” -(1971) – mbetet një nga albumet më të shitura të të gjitha kohërave.
Falë këtij filmi, Olivia Newton dhe John Travolta u bënë aktorët më të kërkuar të Hollivudit.
Vazhdimi i filmit “Grease 2” u publikua katër vjet pas filmit origjinal – por nuk arriti të njëjtin nivel suksesi.
Burimi: BBC
