Për të gjithë ata që vlerësojnë historinë kinematografike ka një arsye pse duhet të shikojnë filmin “The Life Ahead” dhe ajo është Sophia Loren. Aktorja italiane interpreton në moshën 86-vjeçare në filmin drejtuar nga djali i saj, Edoardo Ponti.
Ponti dhe shkrimtari Ugo Chiti adaptuan filmin nga romani i Romain Gary “Life Before Us”, i cili më parë ishte bërë në filmin “Madame Rosa” të vitit 1977.
“The Life Ahead” ka në qendër historinë e një jetimi 12 vjeçar Senegalez Momo. Një ditë, ai vjedh disa sende nga e moshuara Madame Rosa (Sophia Loren), një e mbijetuar e Holokaustit që bën një jetesë të varfër duke rritur fëmijët e prostitutave me të cilët ajo dikur ndau rrugët. Kur Momo detyrohet t’i kërkojë falje Rozës, ajo pranon ta marrë atë përkohësisht dhe dy individët e vetmuar lidhen me një fat të përbashkët që do të ndryshojë rrjedhën e jetës së tyre.
Për herë të fundit Sophia Loren ka interpretuar në filmin “Nine” në vitin 2009 dhe që nga ajo ka mbajtur një profil të lët publik.
