Ndërsa u aprovua nisja e një filmi për jetën e Madonna-s, ne pyesim pse u desh kaq shumë kohë.
“Universal” ka përzgjedhur skenarin e shkruar nga Elyse Hollander, në të cilin përshkruhet karriera dhe jeta e këngëtares kur ishte e re.
“Blonde Ambition” do të tregojë vuajtjet e Madonna-s në vitet ’80, kur ajo përpiqej të publikonte albumin e saj debutues. Duke filluar me zhvendosjen e saj nga Miçigani në Nju-Jork, filmi do përshkruaj rrugëtimin e këngëtares drejt famës në një industri muzikore të dominuar nga meshkujt.
Filmi do të përmbajë edhe disa pjesë nga jeta e saj private. Deri tani ende nuk ka ndonjë njoftim se kush do ta luajë rolin e yllit të muzikës.
Por mos u gëzoni! Pasi me publikimin e lajmit për nisjen e filmit biografik, duket se këngëtarja nuk është aspak e lumtur me këtë lajm.
“Askush nuk di ato që unë di apo kam parë. Vetëm unë mund ta tregoj historinë time. Çdokush tjetër që përpiqet është një sharlatan dhe një budalla. Duke kërkuar kënaqësi të menjëhershme pa bërë punën. Kjo është një sëmundje në shoqërinë tonë”, shkruan Madonna në “Instagram”.
Burimi: Harper’s Bazaar
