Këngëtarja Demi Lovato është kthyer prej disa kohësh në kryefjalën e mediave për shkak të problemeve në jetën personale dhe varësisë ndaj drogës, që i rrezikuan jetën në vitin 2018.
Ajo performoi për herë të parë pas kësaj periudhe të vështirë në mbrëmjen e ndarjes së çmimeve Grammy.
E mbytur nga emocionet dhe lotët, këngëtarja ndërpreu performancën për ta vijuar sërish duke qarë, moment i cili na preku të gjithëve.
https://www.instagram.com/p/B70c_1Rg1ym/
Demi duket se e ka lënë pas këtë periudhë të errët dhe po i rikthehet punës, ndërkohë që ka marrë pjesë edhe në disa intervista.
Së fundmi, këngëtarja ishte e ftuar në Radio Andy në Sirius XM, ku foli hapur për seksualitetin e saj.
Demi tregoi se është ende në proces e sipër për të njohur veten dhe madje i ka treguar prindërve se tërhiqet edhe nga femrat.
Këtë, ajo ia rrëfeu për herë të parë atyre në vitin 2017.
“Ishte një moment me shumë emocional, por shumë i bukur. Pasi u rrëfeva, fillova të dridhesha dhe të qaja. U mbusha me emocione. Babai reagoi sikur të ishte diçka e natyrshme. Për mamanë isha në gjemba, por ajo më tha që dëshiron që unë të jem e lumtur. Jam shumë mirënjohëse.”- ke treguar këngëtarja.
