Vogëlushja e Bes Kallakut dhe Xhensila Myrtezajt, Ajka, është kthyer në një ndër fëmijët më të njohur të showbiz-it shqiptar.
Në korrik të këtij viti ajo mbushi 2 vjeç dhe tashmë mami dhe babi i saj s’e kanë më problem ta fshehin në rrjetet sociale sikundër bënin në fillim.
Si Xhensila, ashtu edhe Besi ndajnë shpesh foto e video me të voglën e tyre, e cila duket se po rritet shumë shpejt.
Së fundmi, aktori ka postuar në Instagram një foto ku shihet me Ajkën para karrocelit që ndodhet në sheshin “Skënderbej” në Tiranë, duke na falur foton më të bukur të mundshme si babë e bijë.
“Me jet!”- ka shkruar Besi mbi këtë foto kopertinash!
Në fakt, duket se Ajka është vajza e babit dhe disa herë e kemi parë të ndjekë “zakonet” e të atit. Madje, edhe dashurinë për fshatin dhe jetën ‘bio’ Besi ia ka transmetuar të voglës së tij.
Disa herë ai ka ndarë në rrjetet sociale foto e video ku vogëlushja përfshihet në punët në kopshte dhe na i shkriu zemrat teksa “punonte” me duart e saj të vogla.
View this post on Instagram
View this post on Instagram
Disa muaj më parë, në një intervistë për “NIN” Xhensila tregoi se kanë në plan ta bëjnë Ajkën motër të madhe, por është ende herët për këtë.
“Uroj që kur të vijë i dyti të jetë i qetë. Unë do të doja e dyta. Tani është shumë shpejt do presim të rritet vajza pak, deri sa t’i shpëtojmë pyetjes mami dua motër ose vëlla, do jemi të lirë. Unë e kam dashur shumë familjen e madhe. Dëshira është e madhe që të kem më shumë sesa dy fëmijë”.
