Emisioni investigativ “Fiks Fare” ngre siparin me 3 shtator në ekranin e televizionit “Top Channel”. Dhe siç ndodh në çdo sezon të ri televizion, emisioni investigativ ka përzgjedhur dy vajza të reja bukuroshe që do të qëndrojnë përkrah dy moderatorëve Devis Muka dhe Dorian Ramaliu, duke qetësuar situatën me kërcimin e tyre.
Ndryshe nga viti i kaluar, ku pamë dy vajza brune krahas djemve, emisioni “Fiks Fare” i është rikthyer gërshetimit të kthyer në traditë dhe ka përzgjedhur një vajzë brune dhe një bjonde.
“iconstyle.al” ka zbuluar se velina bjonde, quhet Artea Bebri dhe nuk është personazh krejtësish i panjohur. Prej disa vitesh, ajo ka qenë e pranishme në botën e modelingut në Shqipëri si dhe e ftuar disa herë në emisione, për të rrëfyer eksperiencën e saj. Ndër të tjera, modelja e agjencisë “Sonny’s Angels”, është e njohur edhe për pasionin e saj ndaj sportit të “kickbox”.
Ndërsa Marjana Shkreta është balerinë profesioniste dhe prej dy vitesh ka qenë pjesë e trupës së baletit të Top Channel.
Veshja e vajzave në puntatën e parë duket se është frymëzuar nga ngjyrat e studios. Ato mbajnë veshur një xhaketë jeshile, ndërsa poshtë saj një body të zi.
