Këngëtarja e njohur shqiptare, Filloreta Raçi, Fifi, pak ditë më parë u bë nënë për herë të parë.
Dy ditë më vonë, ajo solli këngën e re “9” që njëherësh ishte e fundit e albumit të saj të titulluar “Vëmendje”.
Artistja ka bërë një postim në rrjete sociale kësaj radhe ku zbulon se këto projekte u realizuan përgjatë nëntë muajve, bashkë me djalin e saj që e pagëzoi me emrin Theo Mali-n.
“9 këngë – 9 ndryshime – 9 ndjenja. Që dolën në afat prej nëntë muajsh me Theo Malin brenda meje. Prandaj ky album është i veçantë”, u shpreh ajo.
“E kupton albumin nëse i dëgjon këngët nga 1-shi deri te 9-ta”, vazhdoi më tej 29-vjeçarja.
Në këtë album bëjnë pjesë këngë si: “Vëmendje”, “Dehur”, “Refuzuar”, “Trauma”, “Kujna ja ke lon”, “Bjeri”, “Presje” dhe “Mëkat”.
