Fifi ishte e ftuar sot në emisionin “Wake up” ku foli për sukseset e saja të fundit, por edhe për projektet e radhës. Ndër të tjera ajo tregoi edhe historinë se si ishte krijuar kënga “Zhurmë”, një ndër këngët pretendonte për çmimin e madh të “Këngës Magjike”.
“E dija që njerëzit do ta pëlqenin edhe nëse nuk e gjejnë veten. Ka emocion, është diçka e vërtetë dhe njerëzit i kanë qejf gjërat e vërteta”, tha Fifi.
Moderatorët e “Wake up” insistuan për të ditur diçka më tepër rreth historisë personale që mbarte kënga. Fifi tha se e rëndësishme është që kënga u pëlqye dhe kjo histori tashmë ka kaluar për të.
“Kënga është përjetim real i imi. Nuk ka njeri në botë që të mos jetë dashuruar dhe jam shumë e lumtur, por ka kaluar dhe ndjenja shteri.”, sqaroi Fifi, e cila pavarësisht insistimit nga ana e moderatorëve tha se gjithçka tjetër e ka thënë përmes rreshtave.
