FIFA ka dhënë dritën jeshile për Veldin Hoxhën dhe Leon Avdullahun që të përfaqësojnë Kosovën, prej datës 2 shtator. “Dardanët” i ftuan dy futbollistët për ndeshjet e shtatorit, teksa konfirmohet se mund të luajnë në kualifikueset e Botërorit.
Hoxha ishte pjesë e Federatës Kroate të Futbollit. Në anën tjetër, Avdullahu vendosi të largohet nga Zvicra ku me moshat ka mbajtur edhe shiritin e kapitenit.
Të dy futbollistët janë pritur krahëhapur nga Franko Foda, i cili ka folur pozitivisht. Hoxha është pjesë e Rubin Kazan në Rusi, ndërsa Avdullahu jep kontributin e tij te Hofenheim. Ata janë prezantuar edhe zyrtarisht. Hoxha është shprehur i lumtur për bashkimin me kombëtaren e Kosovës, kurse Leon Avdullahu ka thënë se e zgjodhi Kosovën me zemër.
“Për venin tem, zemrën në fushë e la”, thotë Avdullahu.
“Unë jam Veldin Hoxha, lojtari më i ri i Kombëtares së Kosovës. Është një nder ta përfaqësoj vendin tim, Kosovën. Forca Kosova”, tha lojtari i Rubin Kazanit, i cili e shprehu nderin për ta përfaqësuar Kosovën.
Kosova do të përballet nesër në orën 20:45 me Zvicrën për kualifikueset e Botërorit.
Mq 8 shtator ndërkohë, është projektuar sfida me Suedinë po në të njëjtën orë. E para luhet në transfertë dhe e dyta në stadiumin “Fadil Vokrri”.
