Sara Hoxha ka publikuar një video në rrjetin social Instagram, ku ka bërë një urim special për datëlindjen e bashkëshortit të saj, moderatorit Ledion Liço.
Ajo ka përzgjedhur momentet më të bukura të tyre dhe ka shkruar se i është përgjithmonë mirënjohëse Ledionit për atë çka ajo është sot si dhe për familjen e bukur që kanë ndërtuar.
Postimi i Sarës:
“Gëzuar ditëlindjen @mr.ledionlico 9 vite më parë të njoha dhe kjo marrëdhënie është ajo që më bën më krenaren në jetë. Ne jemi rritur jo vetëm që ta duam njëri-tjetrin thellësisht, por jemi bërë edhe tifozët më të mëdhenj të njëri-tjetrit. Përgjithmonë mirënjohëse që më ndihmove të jem ajo që jam sot dhe që më dhe familjen më të bukur që e dua”.
Së fundmi, Sara ishte e ftuar në programin “Më lër të flas”, ku foli për jetën e saj personale dhe atë profesionale. Gjithashtu, ajo u ndal te çelësi i suksesit të “Big Brother VIP Albania”.
“Çelësi i suksesit ka qenë kasti spektakolar që kemi pasur dhe historitë njerëzore. Puna e palodhur e stafit ishte gjithashtu e rëndësishme, realisht ne u dashuruam me atë projekt, fillimisht e morëm me frikë por më pas as në shtëpitë tona nuk shkonim sepse merreshim me një shtëpi të madhe me 20 njerëz”, theksoi Sara në program.
