Festoi 32-vjetorin, Bebe Rexha i bën vetes dhuratën më të veçantë për ditëlindje!
Ditën e djeshme, Bebe Rexha festoi 32-vjetorin e lindjes. Këngëtarja shqiptare e kaloi këtë ditë në shoqërinë e shumë personazheve të njohur, teksa ishte e ftuar në sfilatën e “Dolce&Gabbana”.
Me siguri Bebe ka marrë dhurata të shumta për këtë ditë, por ajo nuk ka zbuluar asnjë prej tyer përveç njërës. Këngëtarja ka zbuluar se i ka bërë vetes si dhuratë një libër nga seria e “Harry Potter”. Ajo ka treguar se ka blerë librin “Harry Potter dhe Guri Filozofal” dhe kopertina e tij duket mjaft e veçantë. Libri është botuar në vitin 1997 dhe Bebe duket shumë e lumtur që ka arritur të sigurojë një kopje të tillë kaq të veçantë.
Këngëtarja mori ditën e djeshme mesazhe të shumta urimi nga miq, familjarë e fansa të saj. Mes urimeve nuk mungoi as ai i artistes tjetër shqiptare, Rita Ora.
Kjo e fundit postoi në Instagram një foto me Beben dhe përkrah saj shkroi: “Vajza e ditëlindjes, shpresoj që të kalosh ditën më të bukur”.
Bebe ka pasur gjithmonë një marrëdhënie shumë të mirë me Ritën. Madje jo vetëm me të, por me të gjitha vajzat shqiptare që kanë arritur famë ndërkombëtare. Pak kohë më parë, Bebe Rexha, shprehu dëshirën për një bashkëpunim mes artisteve shqiptare me famë botërore, Dua Lipa, Rita Ora dhe Ava Max. Ndonëse dëshira nga shqiptarët ishte e madhe, kjo gjë nuk ndodhi dhe shkak u bë armiqësia që vazhdon prej pak vitesh mes Duas dhe Ritës. Bebe ka treguar se ka dëshiruar prej kohësh që të realizohet ky bashkëpunim, por planet janë shkatërruar për shkak të dy artisteve të tjera.
