Mijëra qytetarë u mblodhën në qendër të Parisit për të festuar shpalljen kampion bote të Francës në futboll. Por festa shumë shpejt u kthye në terror.
Forcat e policisë përdorën gaz lotsjellës për të ndarë turmën që përleshej.
Fansat nisën të hidhnin edhe bomba tymi në ngjyrat e flamurit kombëtar, ndërsa policia ndaloi turmën duke përdorur ujë.
Njerëzit nisën të ngjiteshin në çdo kioskë dhe nëpër stacionet e autobusëve për të valëvitur flamujt. Grabitësit përfituan nga rasti dhe hynë nëpër dyqane apo shkatërruan dritaret, para se të kapeshin nga policia.
Dy tifozë të futbollit ndërruan jetë, pas festimeve për fitoren e Kupës së Botës në përballjen me Kroacinë në Rusi. Në qytetin Alpine, një tifoz 50-vjeçar theu qafën pas hedhjes në një kanal, pasi fitoi triumfin, ndërsa në një tjetër qytet një mashkull në të 30-tat u përplas me makinë me një pemë, ndërsa festonte fitoren.
Rreth 4.000 policë kontrollonin vendin ku u mblodhën fansat për të parë ndeshjen. Në mënyrë tipike, festimet në Francë përfundojnë me thyerjen e disa dritareve të dyqaneve apo shkatërrime të vogla, por e diela ishte përjashtim.
Fitorja e Francës 4-2 kundër Kroacisë shënon herën e dytë në 20 vite që shteti francez merr Kupën e botës.
Burimi: Daily Mail
