Dita e Pavarësisë u festua edhe nga shqiptarët nëpër botë, duke u bërë jehonë në mediat ndërkombëtare. Rrugët rreth Westminsterit u bllokuan nga turma që valëvitnin flamuj shqiptarë dhe ndeznin fishekzjarre me Audi, Mercedes dhe makina sportive.
Daily Mail shkruan se disa prej tyre u panë duke valëvitur flamuj teksa qëndronin nëpër baxhat e automjeteve, ndërsa trafiku u ndal pasi tubimi shkaktoi mbylljen e rrugëve. Policia Metropolitane konfirmoi se arrestoi shumë shqiptarë që hodhën fishekzjarre drejt turmës, ndërsa të tjerë dyshohet se hodhën shishe drejt oficerëve.
Forca lëshoi një urdhër shpërndarjeje në rrugët e Londrës qendrore, duke u dhënë oficerëve më shumë fuqi për t’i detyruar njerëzit të largohen nga zona ose t’i ndalojnë nëse refuzojnë. Videoja e shpërndarë në mediat sociale tregonte demonstruesit që po kalonin nëpër kryeqytet përpara monumenteve të tilla si Syri i Londrës dhe Big Beni me flamuj shqiptarë.
Daily Mail shkruan, kombi i vogël evropian u bë i pavarur në atë datë në vitin 1912, vetëm 111 vjet më parë. Në një seri postimesh në X (i njohur më parë si Twitter), Met konfirmoi se ishin raportuar shkelje të shumta gjatë demonstratës.
“Oficerët kanë ndaluar disa autokolona automjetesh që kanë udhëtuar në qendër të Londrës këtë mbrëmje. Një numër drejtuesish janë raportuar për kundërvajtje në drejtim të automjetit dhe janë sekuestruar disa automjete. Oficerët do të vazhdojnë të merren me sjellje antisociale. Ne besojmë se disa nga shoferët po udhëtonin për në një protestë në rrugën Belvedere, pranë Kopshteve Jubile. Kjo është duke vazhduar dhe oficerët janë aty për t’i mbajtur njerëzit të sigurt dhe për t’u marrë me çdo shkelje,” thuhet në njoftimin e Policisë.
