Ajo që kishte nisur si një mbrëmje e gëzuar përfundoi gati në tragjedi! Koncerti i Kidës, Mozzik-ut dhe Getinjos në Podujevë u ndërpre mbrëmjen e së mërkurës pas një kokteji me molotov.
Mediat në Kosovë konfirmojnë se, ngjarja ndodhi rreth orës 21:20 minuta, në një lokal, kur disa persona të panjohur hodhën dy shishe koktej molotovi. Nga incidenti mbetën të lënduar dy qytetarë, ndërsa thuhet se nuk janë përdorur armët.
Fillimisht mediat dyshuan se, shkaktar i situatës ishte reperi Read, i cili ka përdorur mjete të forta duke lënë dy njerëz të plagosur.
Mozzik dhe Readi janë përfolur për një konflikt gjashtë muaj më parë, pasi Mozzik publikoi fotot e krahut të tij të lënduar. Dëshmitarë treguan në atë periudhë se Read-i e kishte sulmuar me thikë Mozzik-un, por ky i fundit e mohoi të kishte ndodhur diçka e tillë.
Por menaxheri i “On Records” u shpreh për mediat vendase se nuk është ai i dyshuari, duke thënë se, “nuk e kemi parë nëse ka qenë aty”.
Pas Podujevës, Kida, Mozzik dhe Getinjo kanë vazhduar për Ferizaj, ku do të mbajnë koncertin e radhës.
