Java e Modës “Haute Couture” ka nisur me stil në Paris.
Fytyrat më të famshme , të botës së modelimit mbërritën të veshura me stil, në festën e “Vogue” në Palais Galliera, në kryeqytetin francez të martën në mbrëmje.
Bella Hadid guxoi të ishte ndryshe me një fustan madhështor të dizajnuesit Giambattista Valli, ndërsa u bashkua me shoqet Emily Ratajkowski dhe Cara Delevingne.
20-vjeçarja, dukej bukur me fustanin në ngjyrë portokalli me një shpatull të dalë jashtë, duke shfaqur trupin e saj të tonifikuar.
E veçanta e fustanit ishte një bisht i gjatë, me të cilin Bella u sigurua të bënte hyrje të veçantë në këtë event.
Modelja e momentit kishte bërë një makijazh të thjeshtë me flokët e kapur dhe aksesori më i veçantë ishte një varëse që shkëlqente.
Modelja Emily Ratajkowski shkëlqente gjithashtu e veshur me një fustan të zi elegant, që nxirrte në pah asetet e saj më të njohura, këmbët dhe gjoksin.
Pas nuk mbetej as Cara Delevinge që mbërriti me flokët e saj të shkurtër dhe një aksesor të veçantë të vendosur në to, që rrëmbeu vëmendjen e paparazëve.
Kendall Jenner dukej bukur e veshur me fustan-pantallona blu dhe flokët e kapur topuz. Në festën e Vogue morën pjesë emra të njohur të Hollivudit e modelimit që mund t’i shihni në fotot e mëposhtme:
