Akuzat për zhvatje ndaj reperes Loredana në Zvicër, kanë përfshirë edhe shumë pjestarë të familjes së saj, por edhe partnerin Mozzik dhe të vëllanë e tij, Getinjo (lexo këtu)
Dy reperët u bënë të njohur në treg si pjesë e kompanisë “ON Records”, nga e cila u larguan në janar të vitit të kaluar.
Fero, i cili menaxhohet nga kjo kompani, foli sot për herë të parë në një televizion në lidhje me skandalin.
I pyetur nga gazetari Ervin Kurti se si e komenton, Fero u shpreh:
“Duke qenë se jam pjesë e showbiz-it, siç e ke parë ti, e kemi parë të gjithë, mund të them se çfarëdo që ka ndodhur, shpresoj që drejtësia ta gjejë rrugën e vet.”
Të shtunën, menaxheri i Feros, Met Elshani, u plagos me dy plumba në këmbë nga një grup të rinjsh. (shiko këtu)
Pati aludime se pas kësaj ngjarjeje, mund të jenë të përfshirë Getinjo dhe Mozzik (lexo këtu), e megjithatë nuk ka ende një variant të besueshëm.
Pas arrestimit të Loredanës, Met Elshani qe ndër të parët që reaguan në rrjetet sociale, duke u shprehur përmes një postimi në Insastory se askush s’i kishte besuar paralajmërimet e tij.
“Ju thosha se këta njerëz turp janë, e turpërojnë një komb.”
Prishja e kontratës së vëllezërve reperë Getinjo dhe Mozzik me “ON Records” u konsiderua e njëanshme nga Met Elshani, drejtues i kompanisë.
“Definitivisht, artistët që veprojnë në këtë mënyrë do ta kuptojnë se nuk bëhet hajgare me njerëz që investojnë me qindra e mijëra euro për ta dhe pastaj kur të bëhen të famshëm, bëjnë ca lek dhe pastaj largohen.”, u shpreh asokohe Elshani për “Index Online”.
