Dyshja Fero-Arbenita janë një ndër çiftet më të bujshëm në media, marrëdhënia e të cilëve tërheq vëmendjen e të gjithëve.
Fansat janë kuriozë të mësojnë lëvizjet e tyre dhe “ndarjet” e “ribashkimet” e çiftit kanë ngjallur gjithmonë interes.
Së fundmi, në media po aludohet se Fero dhe Arbenita janë ndarë, gjë të cilën e pranoi vetë Fero.
Mirëpo, dyshja publikoi në rrjete sociale foto nga i njëjti vend, duke na bërë edhe njëherë lëmsh.
Si të mos mjaftonte kjo, ditën e djeshme Fero “acaroi” fansat e tij me një foto ku puthte një thes, duke shkruar se me të e kishte tradhtuar Arbenitën.
Edhe kjo e fundit s’ka duruar pa bërë një deklaratë në profilin e saj në Instagram, të cilën e ka fshirë më pas.
“Unë nuk jam ishi askujt. Të gjithë ata janë të vdekur për mua”-shkruante Arbenita, siç mund ta shihni në foton e ruajtur nga “Xing.al”.
Mirëpo, për arsye të paditura, më vonë ajo e ka hequr shkrimin në foto.
Ende nuk e dimë nëse Fero dhe modelja janë ende bashkë dhe nëse kjo është e gjitha një lojë për ndjekësit, apo nëse ata vërtetë janë ndarë dhe kanë nisur edhe njëherë thumbat për njëri-tjetrin.
