Një ndër emrat më të komentuar është ai i reperit të njohur, Fero, karriera profesionale si dhe jeta private e së cilit rrëmbejnë gjithmonë vëmendjen e publikut.
Së fundmi, reperi ka paralajmëruar fansat për projektin e tij më të ri muzikor nëpërmjet një postimi në Instagram.
Siç dhe Fero bëri të ditur, kënga e radhës do të jetë një bashkëpunim me reperin Gent.
Ato kanë publikuar një foto së bashku dhe kanë njoftuar se projekti do të vijë më 8 prill.
Ndërkohë së fundmi, Fero erdhi në një bashkëpunim me këngëtaren Genta Ismajli. Kënga mban titullin, “Level Up” dhe surpriza më e madhe në këtë projekt ishte Genta Ismajli.
Për herë të parë këngëtarja është shfaqur si repere dhe i ka befasuar të gjithë me talentin e saj. Këngëtarja numëron një sërë këngësh në repertorin e saj muzikor, por nuk na ka rastistur ta dëgjojmë të bëj rap të vërtetë. Me provën e parë ajo ja doli mbanë më së miri dhe është komplimentuar shumë nga fansat.
Kjo këngë është pjesë e albumit të Feros që mban titullin “Goat”.
Fero u rikthye disa javë më parë në muzikë pasi për disa kohë ai qëndroi në pushim, madje u zhduk edhe nga rrjetet sociale. Para pak ditësh reperi erdhi në bashkëpunim me Stresin, me këngën e tyre të titulluar “Mahall”.
