Kanada, vendi i mrekullive natyrore, mban një rekord të pazakontë që ka habitur edhe gjeografët: një strukturë natyrore aq e ndërlikuar, sa duket si një paradoks në hartë.
Në veri të vendit, në territorin e Nunavut, ndodhet Liqeni Yathkyed – vendi i vetëm i njohur në botë ku ekziston një liqen mbi një ishull, brenda një liqeni, mbi një tjetër ishull që ndodhet brenda një liqeni tjetër. Një fenomen i quajtur nga studiuesit si “nesting” (mbivendosje) gjeografike, që s’ka shembull tjetër në glob.
Ndërkohë, edhe në ishullin e madh Victoria, në Arktikun Kanadez, është zbuluar një tjetër kuriozitet: një ishull i vogël pa emër që ndodhet brenda një liqeni, mbi një ishull tjetër, në një liqen, që vetë ndodhet mbi një ishull! Ky është formacioni më i madh i këtij lloji i zbuluar ndonjëherë.
Këto struktura natyrore e bëjnë Kanadan jo vetëm vendin e akullnajave dhe pyjeve të pafundme, por edhe të logjikës gjeografike që sfidon çdo hartë.
