Nuk ka asgjë më tronditëse sesa të ngacmohesh seksualisht. Shumica e femrave pëlqejnë të thirren nga një makinë, të fishkëllehen në rrugë ose të ndiqen natën.
Të paktën, kjo është ajo që disa meshkuj mendojnë, sipas një sondazhi të bërë së fundmi.
Një raport i grupit të “UN Women” dhe grupit të barazisë gjinore “Promundo” anketoi rreth 5.000 burra të moshës 18-59 vjeç, në katër vendet në Lindjen e Mesme dhe Afrikën e Veriut: Egjipt, Marok, Liban dhe Palestinë.
Ndërmjet 31% (në Liban) dhe 64% (në Egjipt) të meshkujve pranuan se kanë ngacmuar femra në publik. Shumica thanë se e bënë atë për asnjë arsye tjetër përveçse për argëtim. Pjesëmarrësit në anketë pranuan këtë sjellje duke filluar nga shikimi me sy te fishkëllimi, prekja me duar dhe përdhunimi.
Në çdo vend, meshkujt kishin më shumë gjasa sesa femrat që të pranonin që “femrave u pëlqen vëmendja”, kur ata i ngacmojnë. Në Marok, rreth 71% e meshkujve thanë se femrat i pëlqenin ngacmimet seksuale, ashtu si 43% e meshkujve në Egjipt.
Më shqetësues është fakti se, shumica e meshkujve në të gjitha vendet e anketuara besonin se gratë janë pjesërisht të fajësuara për ngacmimet që u bëhen. Gati dy të tretat e meshkujve në Palestinë dhe 74% e meshkujve në Egjipt thanë se gratë që vishen në mënyrë provokative meritojnë të vdesin.
“Ne e dimë se ngacmimet në rrugë janë një çështje në të gjithë botën dhe ka gjasa të ketë dinamika të ngjashme. Ne kemi një paraqitje të shkurtër të asaj që duket se ndodh në këtë rajon përmes këtyre të dhënave”, shprehet Brian Heilman, një hulumtues që kontribuoi në raport.
“Ne dimë shumë për gratë dhe vajzat, por relativisht pak për burrat dhe djemtë, kur është fjala për ngacmimet”, tha bashkautori Shereen El Feki.
Burimi: Independet
