Pas një muaj konkurrimi gjallërues, emocional dhe të paharrueshëm, “Miss World 2015” u shpall mbrëmjen e së shtunës bukuroshja nga Spanja, Mireia Lalaguna.
Miss Spanja u kurorëzua vajza më e bukur në botë për vitin 2015 me finalen në zhvilluar në Sanya të Kinës, në Teatrin “Beauty Crown”.
Në 10-shen më të mirë u klasifikuan përfaqësuesja nga Rusia, Filipinet, Guajana, Libani, Spanja, Indonezia, Xhamajka, Franca, Afrika e Jugut dhe Australia. Në këtë mënyrë Shoqëruesja e Parë e Miss-it u shpall vajza nga Rusia dhe Shoqëruesja e Dytë vajza nga Indonezia.
Me një përshëndetje të ngrohtë nga Barcelona e bukur, Mireia ishte një studente në Farmaci, e cila aspironte që të vazhdonte studimet për “Ushqimet”, para se të hapte biznesit e saj për gjetjen e zgjidhjeve alternative shëndetësore për ilaçet. Gjithashtu ajo ëhstë një pianiste e aftë, ndërsa në kohën e saj të lirë ajo pëlqen të vrapojë, të lexojë dhe të bëjë ski në dimër.
Një nga risitë e këtij eventi këtë vit në “Miss World” ishte se vajzat performuan fillimisht në hapje të eventit me veshjet kombëtare, duke vazhduar më pas me vallet tradicionale nga Kina, Sllovakia, Zambia, Franca dhe Samoa.
Veç çmimit të parë, u shpall dhe çmimi “Top Model” i fituar gjithashtu nga Spanja, çmimi “Multimedia” i fituar nga Filipina, çmimi “Bukuria me një qëllim” u fitua nga Indonezia, çmimi “Talenti” i fituar nga Guajana, ndërsa atë të “Sportit” e fitoi Namibia.
Shqipëria ishte mes 101 vendeve që marrin pjesë në këtë kompeticion, e cila përfaqësohet nga bukuroshja Kristina Bakiu. Më herët ajo është kurorëzuar si “Miss Univers 2013”, por ambiciet e saj nuk shteruan asnjëherë.
Në numrin e fundit të “ICON” këtë muaj, Kristina në intervistën ekskluzive u shpreh për eksperiencën e saj gjatë qëndrimit në Kinë. “Dua ta shijoj”, u shpreh Kristina për ekpserinecën e saj në këtë event, rreth një javë para finales.
