Ardit Gjebrea-Jon Gjebrea
Jonin e njohim që nga viti 1991, kohë kur babai i tij Ardit Gjebrea, i kushtoi këngën e famshme. Por sot, ai është një nga shokët më të mirë, miqtë besnikë dhe bashkëpunëtorët më të ngushtë të Arditit. Pas disa viteve studimi në Vjenë, Joni është rikthyer në Shqipëri dhe punon pranë të atit. Ngjashmëria e tyre është e dukshme dhe nuk ka nevojë për fjalë.
Xhemi Shehu- Martini
Ndonëse e shohim gjithnjë në formë dhe me portretin seksi, moderatorja Xhemi Shehu është nënë e dy djemve. Ajo nuk i ekspozon shumë fëmijët e saj në rrjete sociale, por kur e bën shohim sesa shumë i ngjajnë dy çunat. Djali i madh Martini i cili është rritur shumë, tashmë është një kopje e vogël e Xhemit. Më shumë sesa nënë e bir ata duken si vëlla e motër.
Robert Berisha-Renne
Të gjithë e njohin si vajza e Norës, por Renne është më shumë “goca e babit”. Ajo ngjan shumë me Robert Berishën dhe këtë e shohim në fotot që këngëtari publikon në rrjetet sociale, gjatë kohës që kalon me vogëlushen e tij.
Suzana Ramosaj-Argjentina
Argjentina Ramosaj është një ndër këngëtaret më tërheqëse shqiptare që ka mahnitur jo vetem me zërin por edhe me bukurinë e saj. Për këtë sigurisht që meritat i kanë genet. Nëna e saj, Suzana, me profesion fotografe, njihet gjithashtu për format e veta trupore. Kur pozon pranë së bijës, ajo duket shpesh herë si motra e saj.
Inis Gjoni-Coco Antonel
Inis Gjoni është një ndër femrat më të hijshme shqiptare. Ajo është nëna e një vajze të vogël që quhet Coco Antonel dhe që i ngjan shumë Inisit. Inisi ka publikuar shpesh herë disa fotografi ku shihet e veshur njëlloj me vajzën e saj, si dy pika uji.
Albërije Hadërgjonaj-Agnesa dhe Anxhelina
Këngëtarja ka dy vajza shumë të bukura, Agnesa dhe Anxhelina. Kjo e fundit është përpjekur të ndjekë rrugën e së ëmës në muzikë. Ajo jeton në SHBA, ndërsa vajza e madhe Agnesa është bërë nënë dhe i ka dhuruar statusin “gjyshe” Albërijes. Të dyja vajzat njihen për bukurinë e tyre që me sa duket e kanë në gen.
Teuta Krasniqi-Tara
Edhe pse ka marrë sytë e babit, Bleros, Tara e vogël i ka ngjarë së ëmës, Teuta. Kur ajo publikon një foto me vajzën në rrjetet sociale, duken si dy pika uji.
Majlinda Zeka-Roan
Pas lindjes së vogëlushit Roan, djali i reperit Majk, u përfol për ngjashmërinë me babin, në fotot e shumta të publikuara nga mami Majlinda. Por nëpërmjet publikimit të një fotografie të vogëlushit Roan u thotë disa fjalë të gjithë atyre që mendojnë se Roan i ngjan babit: “(Fytyrën) E kam marrë nga mami im”, i ka vënë mbishkrimin fotos Majlinda, e cila mendon se djali i ka ngjarë asaj. Në fakt, edhe ne kështu mendojmë. Roan ka sytë e mamit.
Burimi: Iconstyle.al
