Morena taraku njihet për jetën e aj luksoze, gjë që i ka tërhequr vëmendjen edhe mediave të huaja. “Daily Mail” ju ka dedikuar një shkrim të rinjve të pasur të rrjeteve sociale dhe mes tyre përmendet edhe këngëtarja shqiptare. Në të shkruhet se Morena shpenzon shuma marramendëse për të blerë veshje dhe bizhuteri nga markat më të njohura e luksoze
“Këngëtarja shqiptare dhe ish-mbretëresha e bukurisë, Morena Taraku bleu një byzylyk prej ari të bardhë dhe diamanti nga Cartier për 290 mijë paund. Në fotot e tjera Morena shfaqet me veshje të stilistëve në Dubai dhe Turqi”, thuhet në shkrimin e “Daily Mail”.
Kujtojmë se disa ditë më parë, Morena Taraku shpërtheu kundër kryeministrit Rama për shkak se ai falenderoi Serbinë për ndihmën e dhënë gjatë tërmetit të 26 nëntorit dhe shumë e përkthyen si një mohim të ndihmës që dhanë qytetarë e personazhe të njohur nga Kosova.
Për këtë arsye Morena Taraku reagoi ashpër dhe i rikujtoi kryeministrit se ajo vetë për disa ditë me radhë u gjend në Shqipëri për të ndihmuar disa njerëz me ushqime, rroba e gjithçka tjetër të nevojshme gjatë atyre momenteve të vështira.
“Nuk përzihem fare me politikën e aq më pak shoh lajmet andej. Por këtë që lexova tani më preku mua e lë më gjithë kosovarët e tjerë që ndihmuan në Shqipëri gjatë tërmetit! Mirë kam një pyetje! Kamionët që nisën mërgimtarët tanë nga Evropa, tendat, ushqimet, veshmbathje e që gjithat zhdukeshin ende pa arritur në vendin që presim ne, a thu ku mbetën apo i paskan zhdukur me qëllime që kinse Kosova nuk paska ndihmuar asgjë?
Unë erdha nga Turqia lashë babain e sëmurë, edhe pse tërmetet i kam fobi. Këtë po ta them ty që ta dish!
Mirë e bëre serbin më të dashur se kosovarin nuk çuditem fare. Por mos vallë folët ndonjëherë ose mos na dekoruat me ndonjë falenderim ne artistave të Kosovës që qëndruam ditë e natë të zgjuar atje ku njerëzit e qeverisë tënde as që kishin qenë ndonjëherë!
Mirë! Po shtëpinë që unë Morena Taraku ndërtova në Kameras s’ke dëgjuar jo sepse po të dëgjoje me siguri s’do thoje serbët erdhën të parët. Por ja që ndihmuam se ju kemi borxh vëllezërve tanë”, shkroi Morena në mesazhin e saj drejtuar kryeministrit Rama.
