Ish-partnerja e Thibaut Courtois pretendon se ajo dhe djali i tyre rrezikojnë të mbeten të pastrehë, ndërsa ai po shijon jetën në Madrid me një pagë të vlerësuar në 280,000 euro në javë. Elsa Isaac, ka një djalë shtatë vjeçar, Enzo, të cilin e kishte pas një lidhjeje të dyshuar me Courtois gjatë kohës së tij në Chelsea – edhe pse portieri belg ishte tashmë në një lidhje.
Elsa ishte fqinja e Courtois në Wimbledon, ndërsa ai jetonte me partneren e tij, Marta Dominguez. Sipas informacioneve ata janë takuar teksa ajo po merrte pakot e tij. Ish-dizenjatorja e Versace ishte e martuar kur u takuan, por u divorcua para lidhjes së saj me belgun.
Në vitin 2019, Daily Star raportoi se të dy kishin takime në hotelin Chelsea para ndeshjeve. Tani, Elsa ka frikë se shtëpia prej 3 milionë funtesh ku ajo jeton mund t’i ndalohet, pasi ajo i detyrohet 63,000 £ në pagesat e hipotekës, ndërsa tavani i saj është plot myk.
“Shtëpia jonë po shembet. Ne thjesht nuk mund të vazhdojmë të jetojmë kështu. Kam frikë se banka do të na marrë shtëpinë dhe shqetësohem sa herë që dikush troket në derë. Nuk dua që papritmas të gjendemi të pastrehë.
Nuk është e pranueshme të shohësh Thibaut duke udhëtuar me avionë privatë, duke bërë festë në jahte dhe duke e lënë fëmijën e tij të jetojë në kushte të tilla. “Ai sigurisht mund të shpenzojë pak më shumë për t’u kujdesur për djalin e tij.”
Courtois u martua me modelen izraelite Michelle Gerzing në qershor 2023 dhe në prill 2024 ata patën një vajzë, Ellie.
Portieri belg ka edhe dy fëmijë nga lidhja e tij me Martën – një vajzë e lindur në 2015 dhe një djalë i lindur në maj 2017.
Daily Star raportoi në vitin 2019 se Courtois dyshohet se refuzon të pranojë “djalin e tij të fshehtë”, Enzo.
Ish-portieri i Chelseat u largua nga kombëtarja pas një përçarjeje në marrëdhëniet e tij me trajnerin e atëhershëm Domenico Tedesco. Ai ka luajtur për herë të fundit në qershor 2023 dhe nuk ka marrë pjesë në Euro 2024.
Tani, me njoftimin e rikthimit të tij, portieri aktual i Belgjikës, Koen Casteels, ka vendosur të largohet nga skuadra për arsye parimore.
