Nëndetësja turistike Titan, e famshme për ekspedita të ndryshme në rrënojat e Titanikut 3800 metra nën nivelin e detit Atlantik, është zhdukur bashkë me turistët në bord, pa lënë asnjë gjurmë.
Të gjitha ekipet e shpëtimit po luftojnë me kohën dhe situata është tepër kritike, pasi furnizimet prej 96 orësh me okisgjen për ekuipazhin përfundon sot.
Ekipet raportuan se kishin dëgjuar zhurma nënujore. Megjithatë theksuan se tingujt nuk konfirmonin se ekuipazhi ishte gjallë.
Nëndetësja Victor 6000 u dërgua për të ndihmuar në operacionin e shpëtimit pas një kërkese nga Marina e SHBA. Victor 6,000 mund të zhytet në një thellësi prej 6,000 metrash dhe mund ta ngrejë Titanin nëse ka ngecur në fundin e oqeanit.
Dyshohet se nëndetësja e zhdukur të dielën mbrëma, ka ngecur në rrënojat e Titanikut teksa ishte në një ekspeditë, ka ndodhur një mosfunksionim ose thjesht ka humbur kontaktin me centralin, por është ende në funksion.
Në bordin e nëndetëses ndodheshin 5 persona: Sipërmarrësi i njohur Shahzada Dawood, djali i tij, Suleman, biznesmeni dhe eksploruesi britanik, Hamish Harding, zhytësi Paul-Henry Nargeolet, si dhe CEO i OceanGate.
