Prej kohësh ai i ishte larguar ekranit dhe politikës shqiptare. Por ish-kryeministri Fatos Nano pas shumë vitesh vendosi të jepte një intervistë televizive, për gazetarin Blendi Fevziu.
Veç temës së politikës, u prek edhe ajo e dashurisë. Të gjithëve na kujtohet momenti kur ish-kryeministri shpalli divorcin për të krijuar një jetë të re me bashkëshorten që ka në krah, Xhoanën.
I pyetur për njerëzit që ka ndihmuar dhe si sillen ata sot, kur Fatos Nano është pa pushtet ish-kryeministri ka thënë se ka mungesë mirënjohje.
Ishte një gjest që mori shumë vëmendje. Të ndaheshe nga gruaja dhe të deklaroje të dashurën e re në televizion. Si e more këtë vendim?
Mora një vendim që erdhi natyrshëm, shumë i vështirë. Dhe që për fat të mirë më në fund, pavarësisht nga një zgjidhje, e kemi menaxhuar me shumë kujdes. Dhe sot kemi një gjendje normale me dy familje të ndryshme që na lejon të marrim frymë lirisht.
Je penduar?
Jo nuk mund ta them këtë gjë se është vonë dhe nuk di çfarë mund të bëj tjetër. Dhe më del që nuk e kam bërë keq punën, por me shumë dashuri.
Keni qenë 4 vite në burg, keni qenë disa herë kryeministër i qeverisë. Keni fituar apo keni humbur kur ishit kryeministër?
Kam fituar në rreth shoqëror. Kam fituar në marrëdhënie reciproke dhe vlerësimin që më japin njerëzit. Dhe sigurisht kam humbur disa nga momentet që do t’i kisha kaluar ndryshe.
Keni marrë njerëz që ju keni dhënë pushtetin. Në momentin që nuk e ke më fuqinë, njerëzit të braktisin? Si ndodh?
Faqja e parë e këtij raporti është se duhet të kesh përgatitje për ta përballuar këtë moment. Dhe së dyti llogarit edhe tymnaja shqiptare dhe gjykimin e tyre mbi figurën time. Dhe njerëzit kthehen.
