Ish-kryetari i PS-së dhe ish-kryeministri i vendit, Fatos Nano, përsëri me probleme shëndetësore.
Dy burime të pavarura i konfirmuan gazetarit të Top Channel, Muhamed Veliu, problemet e fundit të zotit Nano.
“Bëhet fjalë për një rrëshqitje dhe ka pësuar shëmbje kockash. Asgjë me rëndësi apo kërcënuese për shëndetin e tij”,- tha një prej miqve të afërm të zotit Nano.
Ndërsa një tjetër, pas një komunikimi me familjen tha, se “situata e tij shëndetësore është nën kontroll”.
Gushtin e vitit të shkuar Fatos Nano u përball me një situatë të vështirë shëndetësore. Lideri historik i Partisë Socialiste iu nënshtrua një intubimi pasi atij i është rikthyer një problem kronik respirator që në gjuhën mjekësore, njihet me SPOK, sëmundje pulmonare obstruktive kronike.
Por pas ndërhyrjes intensive të mjekëve ia doli të kishte një shëndet të stabilizuar.
