Para se të dilte nga “Për’puthen”, Fation Kuqari akuzoi Melisën se kishte krijuar lidhje të fshehtë e madje kishte kryer marrëdhënie me një person brenda programit. Ai nuk preferoi të jepte më tepër detaje, por menjëherë nisën aludimet se personi në fjalë ishte Andi Shehu. Në rrjet nisën të qarkullonin edhe disa imazhe të dyshimta, që përforcuan akoma më shumë idenë se Melisa dhe Andi ishin realisht në një lidhje me njëri-tjetrin.
Para disa ditësh u publikuan disa foto, në të cilat Melisa dhe Andi shiheshin me të njëjtin kapuç dhe madje në shtëpitë e tyre ishte vënë re i njëjti detaj. Mirëpo ditën e djeshme Melisa i hodhi poshtë të gjitha akuzat dhe u shpreh se detajet nga shtëpitë ishin thjesht rastësi.
“Çfarë të them unë e shkreta. Kjo s’është asgjë se unë kam parë dhe foto të tjera. Unë s’kam qenë as te shtëpia ime, kam qenë te shtëpia e një shoqe. Këtë videon e kam bërë shumë kohë më parë, para se të largohej Andi nga programi. Një ditë ma ka kërkuar Andi kapuçin dhe ja kam falur”, u shpreh Melisa.
Ndërkohë i pari që reagoi në rrjete sociale pas fjalëve të saj ishte Fationi. Ky i fundit paralajmëroi Melisën se do plaste shumë shpejt një bombë për të dhe se nuk besonte aspak në fjalët e saj,.
“Ndërrova mendim për Oskar si aktoren më të mirë të vitit… pff rëshkiti hahahaha. Kam 1 palë atlete Armani kush i do?! Janë të shtrenjta. Hahahaha o zot lottt o njerëz hë mo e keni seriozisht se u meka. Hmmm tani që e mendoj mos dhe unë e luajta bukur ikjen nga skena?! Iii sa gjynah nuk qava dot as u drodha duhet ta bëja që të ma besonin… a ç’më iku situata të më vij dhe 1 shans i dytë. Rastësisht kjo shoqja ime ka WC njësoj ups ça rastësise. Hahaha u lotova bravo! Vjen së shpejti”, shkroi Fationi në një postim.
Mirëpo më pas u pendua dhe e fshiu dhe bëri një tjetër deklaratë. Ai u shpreh se u bë pishman për ato çfarë kishte shkruar, sepse nuk dëshiron të marrë vëmendje të pamerituar për sa kohë nuk është më pjesë e programit.
“Përderisa nuk jam më në emision vendosa ta fshij story, sepse nuk dua vëmendje të pamerituar e të vjedhur, por kur shikoj gjëra të tilla revoltohem shumë… po ç’ti bëj ka njerëz të mirë që e rrethojnë… dhe mbi të gjitha nuk jam më pjesë e emisionit kështu që tërhiqem totalisht nga këto. Je shumë me fat… puthi këmbët…”, ka shkruar Fationi shoqëruar me figurën e një vajze me flokë të kuqe.
