Java e Modës tashmë është zhvendosur në Milano dhe i kushtohet veshjeve për meshkujt. Marka “DSquared2” prezantoi dje koleksionin pranverë 2018, ku solli temën Hawaiian-e, të qenit seksi me këto veshje ndërsa shijon një “vodka” në lokalet buzë detit.
Me nisjen e Muajit të Modës presim që disa nga emrat më të njohur të fushës së modës apo të ekranit ndërkombëtarë të jenë pjesë e radhëve për të parë nga afër shfaqjet.
Ashtu si ndodhi në Javën e Modës së vitit të kaluar, Armina Mevlani duket se do të njekë nga afër të gjitha trendet e fundit për pranverën e 2018-s.
Blogerja shqiptare ka arritur të marrë një ftesë nga shtëpia e modës, për të parë nga afër shfaqjen.
E veshur me një fustan lëkure me ngjyra ciklamin, lejla dhe gri, ajo është bërë pjesë e eventit nga pritja deri në momentin final, kur parakaluan modelët.
Paraqitja e saj duket se ka tërhequr edhe vëmendjen e mediave vendase të cilat duket se kanë marrë edhe në intervistë Arminën.
Burimi: Iconstyle.al
