Pranvera ka kohë që ka trokitur dhe kjo mund të vihet re kudo në çdo rrugë ku shohim pemë të mbushura me lule dhe gjelbërim.
Mania për një video pranvere në Instagram ka bërë që moderatorja Albana Osmani, të kritikohet nga fansat për një veprim që ka bërë në rrugë.
Albana shihet teksa shkund një pemë plot me lule për të xhiruar një video në Instagram. Pikërisht për këtë gjest fansat e kanë kritikuar dhe i kanë bërë moral:
“Një luledielli që keqtrajton lulet e kumbullave”, shkruan një fans.
“Tjetër herë, një video duke shkulur pemë, do të kishte më shumë moral”, shkruan një tjetër.
Por moderatorja duket se nuk e ka vrarë shumë mendjen ndërsa ka zgjedhur t’u përgjigjet kështu kritikave:
“Hajde mos u bëni kaq moralista ! Se nuk ia mora shpirtin pemës! Shijoni ditën njerëz! Paqe për të gjithë”, është përgjigjur ajo në një koment.
