Sezonin e kaluar, Fjoralba Ponari ishte bashkëprezantuese me aktorin, Salsano Rrapi në spektaklin e njohur të humorit të Shqipëri “Portokalli”, si dhe emisionin “Më thuaj një dëshirë”, që vetëm pak javë më parë është rikthyer në transmetim.
Po ashtu, më herët ajo ka qenë pjesë e “E diell” prej të cilit u shkëput kur nisi angazhimet e tjera në televizion.
Mesa duket fansat ia kanë ndjerë mungesën pasi së fundmi nëpërmjet një bisede në “InstaStory” i kanë drejtuar pyetje pikërisht në lidhje me këtë temë.
“Momentalisht jam shumë e plotësuar me projektet që kam në televizion, megjithatë ‘Kurrë mos thuaj kurrë’”, tha moderatorja, duke mos e përjashtuar mundësinë e një rikthimi.
Kujtojmë se më herët përmes një interviste virtuale me ndjekësit e saj, Fjoralba Ponari ka zbuluar se ajo do të jetë sërish pjesë e “Portokallisë”.
“Me çfarë projekti je duke punuar për momentin?”, e ka pyetur dikush nga fansat moderatoren.
Dhe Fjoralba ka zbuluar se këtë sezon do të merret sërish me dy emisione, “Më thuaj një dëshirë” dhe “Portokalli”.
“Dy projekte që kam qenë në transmetim dhe sezonin e kaluar ‘Më thuaj një dëshirë’, madje shumë shpejt do të kemi një komunikim për datën që fillojmë transmetimin. Ndërsa Portokallia rifilon punën intensive javën e fundit të shtatorit”, është përgjigjur Ponari.
