Celine Dion iu bashkua fansave të bashkëshortit të saj, Rene Angelil, të cilët bënë homazhet e fundit gjatë një vizite të enjten në bazilikën Notre-Dame, në Montreal, në Kanada.
Këngëtarja 47-vjeçare e fshehu fytyrën poshtë një velloje të zezë, por ishte e qartë që ishte shumë e dëshpëruar dhe në sytë e saj kishte lot gjithë kohën.
Këngëtari dhe menaxheri Angelil ndërroi jetë nga kanceri në fyt në moshën 73-vjeçare, më 14 janar. Funerali i tij do të mbahet të premten (sot), në të njëjtën kishë.
Celine foli për herë të parë që pas ndarjes nga jeta të bashkëshortit të saj. Ajo përshëndeti të pranishmit që morën pjesë në homazhet e këngëtarit të ndjerë.
Ndërsa për revistën “People” ajo tha se mbështetja që kishte marrë ishte një bekim i vërtetë dhe shprehu mirënjohje për të gjithë fansat.
Në homazhe, Dion shoqërohej nga djali 15-vjeçar Rene Charles. Ajo qëndroi pranë arkivolit të bashkëshortit të saj për 7 orë, ku priti të gjithë të pranishmit që përcollën ngushëllimet e tyre.
Fansat pritën me orë të tëra në radhë për t’i dhënë lamtumirën e fundit Angelil-it.
Vetëm dy ditë pas vdekjes së bashkëshortit, Celine Dion humbi edhe vëllain e saj Daniel Dion, i cili u shua në moshën 59 – vjeçare, po nga kanceri.
Burimi: Daily Mail
