Doruntina Shala e njohur nga të gjithë me emrin e artit Tayna është një nga reperet më me zë në tregun tonë muzikor.
Reperja nga Kosova numëron një numër të madh fansash, të cilët shpesh kanë treguar se janë të aftë të bëjnë “çudira” për të.
Këtë herë ndryshe nga dedikimet me letra apo gjeste nëpër koncerte, një fans ka zgjedhur një mënyrë të veçantë për ta përkrahur artisten e preferuar.
Një person ka vendosur në xhamin e pasëm të makinës së tij një pankartë të madhe, ku duket Tayna dhe afishimi i rrjeteve të saj sociale.
“Ndiq këngëtaren më të mirë , Doruntina Shala, Tayna,”- shkruhet në posterin e ngjitur në makinë.
Një mënyrë e zgjuar e fansit kjo për të marketuar artisten e tij të preferuar.
Ky gjest është ndarë në Instagramin e saj edhe nga reperja, e cila nuk ka hezituar t’i shprehë emocionet.
“Jam e vdekur duke qeshur. Faleminderit kushdo që e ka bërë këtë. Dhe bëni çfarë shkruhet aty,”shkroi Tayna bashkangjitur fotos.
Sakaq kujtojmë që edhe pas sezonit të ngjeshur të verës, reprerja vazhdon me koncerte brenda dhe jashtë vendit.
Ajo ka publikuar edhe projektin e saj të fundit “Teket” dy javë më parë, i cili numëron afro 9 milion klikime në platformën “Youtube”.
