Jonida Maliqi ka postuar një foto me 7 gjërat për të pasur një jetë të lumtur: “Zoti i pari, duajeni njëri- tjetrin, mos urreni kurrë, tregohuni bujarë, jetoni thjeshtë, falni shpejt, tregohuni të sjellshëm gjithmonë”, janë disa nga këshillat të cilat ajo beson se do t’i ndjekë për të filluar një muaj sa më të mbarë.
Por pas thashethemeve të shumta për ndërhyrje estetike, dhe fotove të kuruara që ajo poston në “Instagram”, një nga ndjekëset e saj ka nisur të ngacmojë përsëri këngëtaren. Ajo i ka bërë një koment ku e pyet nëse e zbaton Jonida rregullin 5 (Jeto thjeshtë). Këngëtarja nuk ka vonuar t’i përgjigjet:
“Pse ju pretendoni se e dini jetën time vetëm prej fotove? Më vjen keq por “Instagrami” është një rrjet social ku dhurohet thjesht një çast nga momentet që gjithsecili prej nesh zgjedh të publikojë”, është shprehur Jonida..
