Zëri Gjikolli mund të themi se ishte ndër të vetmit fëmijë të personazheve të njohur që nuk kishte një llogari personale në Instagram. Mirëpo së fundmi edhe i vogli i Elitës e Gjikos i është bashkuar kësaj liste. Mami Elita ka treguar se i ka hapur një llogari Zërit në Instagram me emrin e tij dhe deri më tani ka publikuar 3 foto shumë të ëmbla të vogëlushit.
View this post on Instagram
Megjithëse fansat e kanë pritur prej kohësh një adresë të Zërit, duke se Elita nuk është e bindur plotësisht nëse ka bërë veprimin e duhur. Ajo ka ndarë në Instagram-in e saj një nga fotot nga profili i Zërit dhe përkrah ka shkruar: “Nuk jam e sigurt për këtë gjë”. Siç duket Elita ka qenë e para që ka ndërmarrë hapin për hapjen e një adrese me emrin e të voglit.
Pasi Zëri erdhi në jetë fansat e Elitës dhe Gjikos nxituan të hapnin me shpejtësi disa adresa me emrin e tij, por më fund i vogli ka një profil zyrtar si gjithë të tjerët. Me siguri shumë shpejt ai do të shndërrohet në yllin e Instagramit, sepse në vetëm pak minuta ka arritur 500 ndjekës në profilin e tij.
Nga ana tjetër kujtojmë se Elita dhe Gjiko do të bëhen shumë shpejt prindër për herë të dytë. Moderatorja e njohur është në pritje të ëmbël dhe këtë herë do të sjellë në jetë një vajzë.
