Një tjetër ditë, një tjetër debat në Instagram për fotot tejet të modifikuar atë Khloe Kardashian.
Prej disa kohësh, 34-vjeçarja ka tërhequr vëmendjen në rrjetet sociale për fotografitë e saj të photoshop-uara dhe së fundmi një tjetër rast ka irrituar ndjekësit e saj në Instagram.
Në foton në fjalë, Khloe shihet me flokë të gjatë bjondë të bërë pa pak dredha dhe në pamje të parë duket çdo gjë në rregull. Por në hapësirën e komenteve, ndjekësit s’kanë lënë gjë pa thënë.
“Është Kim apo Khloe, nuk e kuptoj dot?!”-ka shkruar një prej tyre, ndërkohë që dikush tjetër është shprehur se s’po e kuptonte dot cila prej motrave Kardashian ishte në foto, aq sa duhej të shihte emrin e profilit.
Gjithashtu disa komentues kanë spekuluar se ajo mund të ketë bërë një ndërhyrje në hundë për të cilën më parë është shprehur se dëshiron shumë ta bëjë, por është tepër e frikësuar.
“Çfarë i ke bërë hundës?-ka shkruar dikush. Ta ketë bërë vallë?
