Stela është vetëm 7 vjeç dhe vuan nga sëmundja e astmës kronike. Vogëlushja nga Lushnja e ka të pamundur të marrë frymë pa ndihmën e aparatit që i lehtëson frymëmarrjen.
Mirëpo prej më shumë se 10 ditësh, Stela e ka të pamundur të përdorë aparatin, pasi ky i fundit furnizohet me energji elektrike. Prindërit e vogëlushes nuk kanë mundësi ekonomike për të paguar faturën, e për pasojë është ndërprerë edhe energjia elektrike në banesën e tyre.
“Nuk marr dot frymë pa vënë pompën. Se kam vendosur sepse s’kam drita sepse nuk vjen ai xhaxhi , nuk kemi paguar lekët.” – tregon Stela për “News24”.
E ëma e vajzës Tefta Dervishi rrëfen se është e shqetësuar për gjendjen shëndetësore të vajzës së saj, e cila përkeqësohet dita ditës. Ajo shprehet se nuk ka mundësi financiare për të paguar detyrimet ndaj OSHEE-së.
