“E gjithë familja është kriminale”!
Kështu është shprehur shtetësja Petra Z., në një intervistë të radhës për mediat zvicerane në lidhje me skandalin e mashtrimit nga reperja shqiptare Loredana Zefi dhe vëllezërit e saj.
“Blick” shkruan se në rastin e Petra Z, Loredana ka përfshirë të paktën tre vëllëzër të tjerë.
Në fillim ishte vëllai i madh i Loredanës ai i cili e kontaktoi zviceranen dhe i kërkoi para për “nënën e sëmurë”, duke i marrë asaj 200.000 franga.
Kur shtetësja e kuptoi që nuk kishte për t’i marrë paratë mbrapsht, atëherë Loredana e cila u hoq si avotatja Anna Landmann, i ofroi ndihmë.
Petra e pagoi 700.000 franga për depozita dhe tarigat ligjore, prej të cilave 5900 franga i dërgoi tek vëllai i saj i dytë.
Kur Petra filloi të dyshonte, hyri në mes edhe vëllai tjetër i Loredanës, i cili përmes dhjetra mesazheve telefonike i premtoi asaj që së shpejti do t’i merrte paratë.
Sipas burimeve të “Blick”, ky person është deportuar nga Zvicra, ai tani jeton në Francë dhe nuk i lejohet të hyjë në Zvicër, por çifti zviceran deklarojnë se pavarësisht ndalimit ai shpesh vjen në Zvicër.
Ndërkohë, një tjetër vëlla i reperes thuhet se ka probleme me ligjin.
“Asaj i pëlqen ta portretizojë veten si repere e pasur, shfaqet në video me makina luksoze dhe fotografohet me veshje të brendeve”, shkruan “Blick”.
Loredana është e vetmja nga familja që po hetohet dhe vëllezërit e saj duket se janë në rregull me drejtësinë, për momentin.
