Motrat e familjes Kardashian – Jenner i kanë thënë mirupafshim aplikacioneve! Të mërkurën, Kim, Khloe, Kourtney dhe Kylie treguan se nuk do të shpërndajnë më foto, video, këshilla dhe receta gatimi përgjatë 2019-ës.
“Kemi patur një eksperiencë të mrekullueshme komunikimi me ju përmes aplikacioneve tona përgjatë këtyre viteve. Por kemi marrë vendimin e rëndësishëm të mos publikojmë më gjatë 2019-ës” – shkruante Kim në websiten e faqes.
Kendall Jener e mbylli aplikacionin e saj vitin e kaluar. Familja Kardashian prezantoi për herë të parë aplikacionin për fansat në vitin 2015, me një pagesë prej 2.5 dollarë në muaj. Në qershor, Khloe Kardashian tregoi hap pas hapi sesi zgjodhi të dekoronte dhomën e vogëlushes True. Ndërsa këshillat e motrës së saj Kourtney, lidheshin me dietën ushqimore. Ky vendim drastik për aplikacionet vjen pas mbylljes pas 12 vitesh të dyqaneve të DASH.
