Tashmë që Ajka është rritur, prindërit e saj nuk e fshehin më!
Familja Kallaku u mblodh rreth bredhit dhe realizoi kartolinën më të bukur për Krishtlindjen dhe Vitin e ri!
Xhensila Myrtezaj ka publikuar sot një video të realizuar mjaft bukur me bashkëshortin dhe vajzën e saj të vogël, të përfshirë në atmosferën e festave!
Në videon e publikuar këngëtarja shfaqet duke gatuar biskota me Besin, ndërsa Ajka është ajo që i provon, e lyer me miell gjithandej!
Këto momente mbeten të paharrueshme për Xhensilën e cila shprehet se familja është bekimi i saj më i madh!
“Zoti im, sa mirënjohës të jemi. Në fund të ditës, gjithçka çfarë njeriu kalon, sukses apo dështim, paqen e vërtetë dhe lumturinë e vërtetë e gjen tek familja. Ky është bekimi më i madh. Ajka më e shtrenjta jonë, do të jepnim botën nëse do mundeshim për ty. @rezartashkurta do të jemi mirënjohës gjithmonë, na ke pasuruar kujtimet, i ke përjetësuar përgjithmonë, faleminderit artiste”.
Videoja publikohet një ditë pasi Xhensila dhe Besi i treguan botës fytyrën e vogëlushes së tyre, e cila ishte e pranishme në premierën e filmit “Falco”.
https://www.instagram.com/p/B5KaF8ehKt7/
