Kjo është historia tronditëse e një familjeje në Miçigan, e cila u shua brenda ditës. Një nënë vrau bashkëshortin e saj, dy fëmijët e rritur dhe qenin e familjes, përpara se të kryente vetëvrasje.
Sipas “Daily Mail” shkaku mësohet të ketë qenë shmangia, që sekti i “Dëshmitarëve të Jehovait” i ka bërë, pasi familja u largua 5 vite më parë nga ata.
Motivi i largimit të tyre nga ky sekt ishte fakti, që çifti mendoi t’i fuste fëmijët në kolegj, gjë të cilën “Dëshmitarët e Jehovait” nuk e pranonin.
45-vjeçarja Lauren Stuart mësohet të ketë qëlluar me armë zjarri fillimisht në trupin e bashkëshortit të saj Daniel, 47 vjeç, më pas ka vrarë fëmijët e tyre Steven, 27 vjeç dhe Betania 24 vjeçe. Ajo më pas qëlloi veten duke kryer vetëvrasje.
Trupat e tyre u gjetën brenda shtëpisë në Keego Harbor të premten në mëngjes. Qeni i familjes u gjet gjithashtu i ngordhur në një vaskë.
Që nga vdekja e tyre, miqtë zbuluan se familja u largua nga “Dëshmitarët e Jehovait” pesë vjet më parë dhe ishte shmangur nga komuniteti i tyre i mëparshëm.
Miqtë spekuluan se izolimi që, komuniteti i kishte bërë mund të ketë qenë shkaku i kësaj tragjedie.
Joyce Taylor, mik i familjes ka fajësuar sektin e krishterë, “Dëshmitarët e Jehovait” për vrasjen e trefishtë dhe vetëvrasjen.
