Fadil Berisha është një ndër fotografët shqiptarë me famë botërore, i cili prej vitesh punon në Shtetet e Bashkuara të Amerikës. Çdo femër e ka ëndërr të realizoj të paktën një herë në jetën e saj një set fotografik me Fadil Berishën.
Vajzat më të bukura shqiptare dhe botërore kanë kaluar në duart e tij. Ne mund të themi se ai është një ndër personat që ka më shumë informacion përsa i përket simetrisë së fytyrës, harmonisë së tipareve dhe çdo detaji tjetër që lidhet me bukurinë femërore.
Fadil Berisha ka dhënë mendimin e tij edhe përsa i përket pamjes së dy moderatorëve të njohura shqiptare, motrat Marina dhe Luana Vjollca.
“Fytyrën perfekte, bukuri klasike”, shkruan Fadili krahas fotove të Marinës.
Natyrisht që Marina është ndjerë shumë e lumtur nga ky vlerësim dhe e ka falënderuar.
“Je më i mirë gjithmonë”, ka komentuar Marina në postimin e Berishës në “Instagram”.
Krahas fotove të Luanës Fadil Berisha ka shkruar: “Seksi dhe e bukur”.
Ndërkohë për Marinën fansat kanë komentuar se ajo ka një bukuri natyrale dhe është një ndër moderatoret më të bukura, ndërsa për Luanën kanë thënë se ajo është ashtu falë operacioneve plastike.
