Fotografi i njohur shqiptar Fadil Berisha është bërë gjysh për herë të parë.
Vajza e tij Violeta e cila u martua në qershor të vitit të kaluar në Amerikë, është bërë nënë e një djali të cilin e ka pagëzuar me emrin Jordan.
Për të ndarë me të gjithë lumturinë e tij, Berisha, ka publikuar në Instagram një video shumë të ëmbël të nipit të tij.
“Mirëserdhe në botë vogëlushi Jordan. Urime Violeta dhe Ron. Ai duket si një pëllumb i vogël. Shiko gjithë ai flokë dhe unë nuk kam farë”, ka shkruar Fadili bashkangjitur videos.
Pak muaj më parë, vajza e Fadil Berishës kishte organizuar një festë të veçantë, për të zbuluar gjininë e foshnjës.
Momenti kulmor ishte kur Violeta me bashkëshortin Ron Garcia shpërthyen fishekzjarrët me xixa blu. Në atë çast të gjithë të pranishmit bashkë me çiftin zbuluan se shumë shpejt do të vijë në jetë një djalë.
